饭枱系以前个D可以折埋一齐噶正方形折枱，凳都系可以折起身噶，系6岁以前系江门生活个阵就已经有，历史绝对比我仲要悠久，每次一坐低，张凳都会吱吱声叫两下，唔知系咪开始发霉，我屋企环境一般，一切都好朴素。
妈子装饭俾我，老豆就睇住电视。
“喂，唔好睇啦，吃饭啦。”阿妈一路装饭一路讲。
我用筷子督住面前个碗白米饭，望住升起噶饭气，吃唔落，真系吃唔落。
“我无乜胃口，吃唔落。”我扒左两啖入口，咬左两咬之后讲。
阿爸即刻就讲：“吃少少啦，唔吃饭点得啊。”
妈望向我，轻轻咁拍左我只右手一下：“系咯，仔，吃D啦，一阵间饿啊。”
其实，我由细到大都好硬颈，我决定左噶野真系好难会将就，可以我因为我仲未懂事，所以呢次我都系照样无听讲，唔吃就系唔吃。
我摇摇头，低住头咁摇住头，一直都无对视老豆妈子，但系我知佢地绝对系一脸噶无奈。
妈妈：“咁你肚饿就出声啦，到时饿再吃，透下啦。”
我离开座位，返自己房，再次眠左系块地度，因为只有咁样，眼泪先不至于流出嚟。
丢佢老母，我宜家剩系想爆粗问候发明高考呢D仆街野噶个条仆街点解咁仆街。
唔知过左几耐，我已经系块地度爬返上张床度，摊尸咁摊系张床度，眼光光，望月光，好攰好眼瞓，但系又瞓唔着，我会称呢种感觉叫做痛苦。
天底下噶父母都希望自己噶仔女会成龙成凤，讽刺噶系我做左条蛇，佢地噶期望寄望我一D都做唔到，我觉得自己好无用，因为我噶无用令我系失败噶时候更加自责。
我望住窗外漆黑噶天空，谂起老豆妈子，佢地辛苦搵钱供我读书，但系我就考得一塌糊涂，成绩系未出啊，但系希望已经无啦，我交白卷啊，我都服len左我自己啊，乱写我无写，我完完整整交返D答题卡上去，我连自己都交代唔到啊，我点俾阿爸阿妈一个交代啊？
又开又关噶灯制，睇住闪下闪下噶床头灯光，突然谂返起好多野，零零碎碎噶回忆，好似D走马灯画面咁系我眼前略过，呢三年噶时光，系学校，系屋企发生过噶野，有咸有甜有D苦。
今晚又系一个落雨噶夜晚，唔知系咪落雨天都总会挂念从前。
