印象中老豆好似无打过我，连闹我都好少，可能系因为佢做嘢太忙呱，但系到近年因为我唔做佢安排噶工，佢扯火扯得好紧要，不过呢D都系后话，系我第二本书噶故事，大家记得留意啦。就因为老豆太忙关系，佢好少打理我，而我阿妈，就打多过理我，我指系细个。
阿妈同老豆比较年轻个阵就已经合体左，我妈比我大廿二岁，可能系因为比较年轻结合噶关系，佢地让然系处于一个少年热血噶阶段，呢个阶段噶人都有一个共通点，就系好中意为D小事嘈交，而嘈完交又会好中意为D野嚟发泄个种遗留落嚟噶愤怒，而我就系呢种遗留愤怒最好噶发泄渠道，阿妈会借头借路搵D细野嚟打我闹我，一把把咁醒我噶后尾枕，可能我宜家比较迟钝都系D历史遗留落嚟噶问题，我就系咁系我阿妈噶巨灵之掌下长大。睇嚟国家提倡晚婚晚育都系有一定噶道理。
我妈妈系做杂工噶，佢做过好多工作，旅店噶清洁工，西饼店噶店员，佢都系得初中学历，但系从小佢就教我一个好深刻噶潜在道理。
一到冬天，我阿妈就好自觉咁觉得我好冻（其实我真系唔冻），所以，佢会逼我着秋裤，着D箍颈噶冷衫，要我着到成只粽咁出街，从妈妈逼我着秋裤呢件事上面，我学到左一个小事故大道理，就系要识得尊重人地噶感受，唔好以为自己系啱噶，觉得好噶就强加于人地身上，每个人都有佢自己噶感受，有佢自己噶经历，呢个道理，我相信就系妈妈想要传达俾我噶，我觉得嗻，因为系我自己发掘先知道。
我有个朋友，小学初中成绩都几好，分数都几高，但系到左高中就开始堕落，我问佢，你有咁好噶底，点解唔好好学，佢同我讲，好多野都俾佢阿爸阿妈决定，最后噶结果同责任都系等佢本人嚟接受同埋承担，而佢自己根本无呢个能力去面对，所以佢就咁堕落左，对于佢，我完全可以身同感受。
有所谓负负得正，正正又可以得负，平凡噶老豆妈子整左一个唔平凡噶我出嚟（自我感觉系几好噶我），睇我系属于正正得负之流噶啦。老豆妈子响应国家政策，实行一胎一子唔超生，我由佢地噶结晶品到读书噶劣质产品再到高考噶牺牲品，一路噶历程验证左我真系唔多平凡，睇嚟我噶个体价值仲有好大噶进步空间（退步空间可能就无乜了）。
“仔，吃饭啦。”妈系厨房讲。
因为屋企住宅面积比较细，无论阿妈系边度讲，我都可以听得好清楚。
我眠系地上，挣扎究竟要唔要出去吃饭，究竟吃唔吃得落饭，我真系一D胃口都无啊。
咯，咯。老豆系我房门敲左两下讲：“宇仔，吃饭啦。”
我应左老豆一下，就慢慢咁行出房门，我一直低头，直到我坐系饭凳我都系低住个头，一直都唔敢抬头望老豆妈子，一直回避同佢地噶眼神接触，闪闪缩缩，扎住碌竹。
