我突然觉得好似好长时间都无同屋企人一齐同枱吃饭，点解会咁？点解一家人一齐吃饭会变得如此陌生，我唔知过去我究竟去左边，我剩系知，今晚呢餐饭，久违了。
可能因为一家人，往往自己最忽略噶就系家人，其实我好耐都无正眼望过妈妈，我坐系度，凝视住妈妈帮我装饭噶动作，十几年噶动作，无乜变化，但系只要细心留意，妈妈头上噶白头发已经出现唔少，我谂，个D白头发唔多唔少都因为我呱，自己第一个十年要佢操心，第二个十年要佢担心（其实第三个十年妈妈佢万箭穿心，后话，第二本书啦），呢种感觉真系一支箭插入心，当时我好希望以后会令佢放心，学周杰伦唱歌话斋：美丽的白发，要在幸福中发芽。
高中系住校噶，一个礼拜先返嚟屋企一次，返到嚟我都无试过准时埋位吃饭，通常都系爸妈吃左我先系房出嚟，速度快噶佢地吃到一半我就出现，我究竟做乜？我系度玩啊，我系度打机啊，我就系做乜D无聊野而错过同佢地同枱吃饭，再唔系我就好快咁吃，之后就即刻离座返房打机，一D时间都无陪过佢地。
谂到呢度，我又有D想喊。
食不言，寝不语，一向都系我大中华噶传统美德，我真系唔知讲乜好，同埋我平时真系唔好少同爸妈讲野。我低头扒饭，越扒越低，越低越扒，我曾经睇过司徒剑桥噶《温瑞安群侠传》漫画，入边有一个角色，叫左低首神龙，因为练神功搞到颈骨都断埋，一直都要低头，虽然我唔系神龙（应该系条虫），但系宜家我噶低头程度应该劲抽过佢。
扒下吃下，吃下扒下。
老豆首先打开话讲，打开沉默：“宇仔考完试有无谂住做D乜啊？有无谂住去边度玩下，旅游下？”
听到之后我真系有D想喊，因为我唔配可以玩，我唔配呢一切噶娱乐。
我咬住碗边，无出声，摇左摇头。
老豆再继续讲：“咁不如去学车，考返个车牌，以后有用。”
妈妈就讲：“系咯，仔，学车咯不如。”
我照样摇左摇头。
电视广告话：女人系水造噶，其实男人都系水造架。
我头低得好紧要，因为D饭噶热气搞到我戴住噶眼镜都变得白蒙蒙噶一片，利用呢片白雾，鼻哥已经酸晒噶我终于留出刹唔住制噶眼泪，湿润左我本来已经湿润晒噶眼眶。
我唔想去边度玩，我唔想学车，我觉得我唔配拥有呢D，唔配拥有呢个假期，呢个moment，老豆妈子应该闹我，甚至打我，但系佢地无，佢地噶关心，更加噶关心，令我更加难受，更加难堪。
由细到大，我都系一个无衣食噶坏细路，我系有自觉饭系要吃晒，唔浪费先叫好，但系次次一饱我就唔记得左，所以我从来都系一个好浪费噶人，浪费粮食，浪费金钱，浪费时间，我浪费左老豆妈子辛苦耕耘返嚟噶金钱，浪费左自己宝贵噶高中三年，对老豆妈子唔负责，对自己更加唔负责。
